Mga negosyante sa Bacolod indi pabor sa pagbukas sang klase sa Agosto 24

15

Sa interview sang DYHB kay Metro Bacolod Chamber of Commerce and Industry (MBCCI) Chief Executive Officer (CEO) Frank Carbon, mas maayo kuntani nga sa Oktubre sini nga tuig ukon sa 2021 na lang magabukas ang klase bangud sa isyu pinansyal.

Suno kay Carbon, indi man basta-basta ang gasto sa pagpa-eskwela sang kabataan ilabi pa nga subong pa lang nagbukas ang mga negosyo kag nakabalik sa trabaho ang mga empleyado.


Dugang pa ni Carbon, nakatatak na ang bulan sang Agosto sa Negros Occidental nga “tiempos muertos” ukon tig-gulutom bangud wala sang galing sang tubo kag wala man sang ani sang humay.

Mas maayo suno sa MBCCI Chief nga unahon anay subong ang basic nga kinahanglan kaangay sang pagkaon, panapton kag puluy-an.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments