Mga pamaagi sa pagboto sa 2022 padayong gitun-an

24

Davao City – Mahinayon ug walay kamandoan nga i-oktaba ang piniliay sa 2022.

Gibutyag ni Commission on Elections (COMELEC-XI) Spokesperson Atty. Gay Enumerables, ang postponement sa election dili na iya sa COMELEC tungod mag-agad kini sa balaod. Sumala ni Enumerables, nagpadayon ang pagplano sa mga pamaagi sa himuong piniliay.

Nakatutok sa pagkakaron ang COMELEC sa voter’s registration ug hugot nilang gipatuman ang minimum health protocols sa ilang mga opesina.

“Challenging gyod ni siya kay ma-expose ang atoang mga kaubanan sa daghang mga tao ug sa virus. Ang gihimo namo nagbutang mi’g mga plastic barriers, as much as possible window transaction para ma-limit ang exposure. Very strict gyod mi sa physical distancing,face masks ug face shields ug ang mga tao kinahanglan nga madala’g kaugalingong ballpen,”sumala niini.

Giawhag ni Enumerables, ang publiko nga dili na maghulat pa sa deadline sa registration sunod tuig ug maggahin og panahon mientras sayo pa aron makalikay sa tapok sa tao.

RadyoMaN Aimee Guinita

Facebook Comments