General Santos City – Nalipay ug dako ang pamunuan sa Sarangani Police Provincial office (SPPO) human nga nagnegatibo sa drug test ang ilang mga sakop human silang gipailawom sa Drug Test naidtong nakalabayng adlaw.
Nasayran nga gipangunahan mismo ni Police Col. Michael Libanan, Provincial Director sa SPPO ang pagpailawom sa drug test sa mga personahe sa SPPO. Dili tanang Police sa SPPO ang napailawom sa Drug Test sanglit giprayoridad ang mga personahe sa Provincial Drug Enforcement Unit og pipila ka opisyal.
Ang drug test nagtumong nga masegurong walay Police sa Sarangani nga nahilambigit sa iligal nga droga ug isip kabahin na usab sa mas gipahugtang kampanya sa Sarangani PNP batok illegal drugs ug aron nga ipakita ngadto sa katawhan nga sila seryoso sa ilang kampanya nga pagpakgang sa iligal nga droga.
