Mga Pilipinong nurse at medical technologist, may pinakamababang sahod sa Southeast Asian Region

75

Pinakamababa ang sahod sa Southeast Asian Region ng mga Pilipinong nurse at medical technologist.

Batay sa pag-aaral ng economic research institute-powered company na ‘Salary Expert,’ ang isang Pinoy registered nurse ay kumikita lamang ng nasa ₱40,381 kada buwan.


Ito ay 57% na mababa kumpara sa natatanggap na sahod ng mga nurse sa Vietnam na tinatayang nasa ₱63,200 kada buwan.

Nasa ₱29,444 ang average monthly salary ng isang Filipino medical technologist, 51% na mababa kumpara sa mga sahod na natatangap ng mga medtech sa Vietnam na nasa ₱57,000 kada buwan.

Ang mga Singaporean nurses ang nakakatanggap ng mataas na sahod sa rehiyon na tinatayang nasa ₱236,000 at ₱210,000 naman para sa Sinaporean medical technologist.

Sa datos ng Department of Budget and Management (DBM), ang entry-level pay para sa government nurse ay nasa ₱32,053, katumbas ng salary grade 15 sa ilalim ng Salary Standardization Law.




Una nang sinabi ni Presidential Spokesperson Harry roque na hindi pa niya nababasa ang nasabing pag-aaral, pero iginiit niya na patuloy ang commitment ng pamahalaan para protektahan ang healthcare workers na patuloy na rumeresponde sa pandemya.

Facebook Comments