Mga Police Asset nga gihatag sa LGU Gensan sa GSCPO-gipasalamatan

General Santos City–Gipasalamatan ni City Director Police Senior Superintendent Raul Supiter ang LGU-Gensan sa pagpanguna ni City Mayor Ronnel Rivera ang paghatag og dugang Police Asset sa Gensan City Police Office sama sa 12 ka set nga bullet proof vest nga pagagamiton sa swat team.

Sumala pa ni Supiter nga ang mga gears pagagamiton sa swat team sa police operation ilabi na sa anti-drugs aron makabaton sila og confidence sa ilang trabaho og mahimo usab nila kining proteksyon sa ilahang lawas.

Pagpaklaro usab ni Senior Supt. Raul Supiter nga duna usab ipanghatag ang LGU Gensan nga mga assault rifles sa kapolisan aron ilang pagagamiton sa ilang operasyon.


Dugang pagbutyag ni City Director Raul Supiter nga dakong tabang sa kapolisan ang gihatag sa LGU Gensan nga dugang mga gamit og pusil alang sa ilahang trabaho.

Pagpaklaro ni Supiter nga timing gayud ang paghatag og mga pusil sa LGU Gensan gumikan kay sagad sa mga pusil nga gigamit sa mga pulis daan na og kinahanglan na gayud nga ilisan aron dili mahitabo ang pagkapalyar niini panahon kung dunay operasyon. (Reynald Timario)

Facebook Comments