Mga polis nga dili maayo ang performance ning syudad, gipapahawa ni director aganon ning dakbayan.

Gipapahawa sa Cagayan de Oro City Police Office kon COCPO ang mga polis nga dili makatuman sa kamandoan ni City Police Director Senior Supt. Nelson Aganon.
Kini particular na sa pagmintinar sa kahusay og kalinaw sa dakbayan, human nga adunay mga pulis ang mireklamo kalabot na sa bag-ong oras nga gipatuman alang sa police visibility ning syudad.
Matud ni COCPO spokesperson Supt. Mardi Hortillosa, nga kon dili mahimo sa mga pulis ang gipatumang kamandoan ubos ni director Aganon mahimo matud pa silang moretiro na lamang o mo-resign sa ilang mga trabaho.
Mahinumdoman nga gipatuman ang kausaban sa ilang police visibility, human ang sunod-sunod nga tulis ug pagpamusil nga nahitabo sa dakbayan.