Mga pulis gikasal sa mass wedding

85

16 ka mga pulis ug ilang mga pares ang gikasal karong adlawa sa usa ka mass wedding sa Police Regional Office-7 chapel .

Si PRO-7 Regional Director Debold Sinas , nibutyag nga ang kalihukan kabahin sa ika-28 nga founding anniversary sa PNP .

Lakip sa 16 ka paresan nga nagpakasal mao ang hepe sa Mandaue City Police Office nga si Senior Superintendent Julian Entoma .

Si Entoma 25 ka tuig nang kasal sa sibil sa iyang kapinas nga si Socorro ug usa sila sa nipahimos sa mass wedding tungod kay wa kini bayad .

Ang reception sa kasal gihimo ra usab sa ground sa PRO-7 sa Camp Sergio Osmena Sr.

Facebook Comments