Mga pulis mag “bisikleta-Iglesia ning Semana Santa

Tipik sa 80 % nga puwersa sa Cebu City Police Office nga mohatag ug igong seguridad sa mga kalihukan ning Semana Santa , mao ang mga pulis nga magsakay ug bisikleta sa ilang pagpatrolya .

Tawgon ang ilang kalihukan ug “bisikleta-Iglesia” diin ang mga pulis nga nadestino sa beat patrol magsakay ug bike ug magpatrolya dool sa mga simbahan ug ubang lugar nga adunay mga kalihukan ning Semana Santa.

Sukad sa niaging semana alerto na ang kapolisan aron pagsiguro sa kaluwasan sa publiko ilabi na sa mga lugar nga dagsaan sa daghang mga tawo sud ning semanaha.


Apan bisan unsa kahugot ang seguridad sa kapolisan nanawagan gihapon ni CCPO chief , Sr. Supt . Joel Doria sa publiko nga lakip usab sila nga magbantay sa ilang kaugalingon ug igmat kanunay aron di mabiktima sa mga dautan ug tumong .

Facebook Comments