Mga pulis nga alegasyong gapamaligya’g ilimnon gibaharan

110

Davao City – Wala pay nadawat nga pormal nga reklamo ang Davao City Police Office subay sa mga giingong adunay mga pulis nga gapamaligya’g ilimnon ilawom sa 24 hour liquor ban sa Davao City.

Sumala ni Police Captain Rosario Aguilar, DCPO spokesperson, dili kini nila ipang-tolerate ang mga pulis ug sigurohong magatubang og tukmang silot.


Giawhag ni Aguilar ang publiko nga isumbong kini kanila pinaagi sa DCPO hotine ug itunol ang mga detalye aron ilaha kining masubay ug maimbestigahan.

“Pinaka the best isumbong nila para atong operation-nan, kung dili pod sila magpakababa og tugnan, unsaon nato pagdakop ana?,” sumala niini.

Matud niini ang DCPO adunay gilusad nga monitoring aron masuta ang maong giingong mga report.

RadyoMaN Aimee Guinita




Facebook Comments