Mga pulis nga dili musukol sa NPA taktakon sa serbisyo

35

Davao City – Nagbahad si Police Regional Office 11 Director Manuel Gaerlan nga iyang taktakon sa serbisyo ang mga pulis nga dili musukol sa CPP-NPA-NDF.

Nanganti si Gaerlan nga iyang tanggalon sa pagka pulis ang bisan kinsa niyang mga sakop nga mutalaw ug dili musukol sa mga NPA nga muatake sa mga police stations palibot sa rehiyon onse.

Gibatbat sa opisyal nga tinalawan ang dili pagsukol hilabi na kun sayon ra mailog sa mga komunista ang police stations ug masakmit ang ilang mga armas.

Gihimo ang bahad ni Gaerlan gumikan sa sunod-sunod nga pagpamusil patay sa mga npa ngadto sa mga pulis sa rehiyon diin ang pinaka-ulahi nga giluthang mao ang intel officer sa Baguio PNP nga si PO3 Garol sa may Tugbok sa miaging adlaw.

RadyoMan Joel Viray

Facebook Comments