Duna gyud diay pipila ka mga pulis sa dakbayan sa Sugbu nga ni-sekreto ug lili sa haya ni SPO1 Adonis Dumpit sa dihang gihaya pa kini sa punerarya .
Tood man gitinood gyud ni Police Regional Office -7 Director , Chief Supt. Debold Sinas ang iyang bahad nga ipaubos gyud ug background investigation ang mga pulis nga moduaw sa haya ni Dumpit sa Cosmopolitan Funeral Homes sa dalan Junquera syudad sa Sugbu.
Matud ni Sinas naa siyay mga ebidensiya kay ang maong mga polis nakuhaan ug piktyur sa iyang gisugo pagpaniid .
Hinoon matud ni Sinas nasuta sa background investigation nga mga bootan ang mga pulis nga una nilang gipaubos sa background investigation , ug wa malambigit ug bisan unsang ilegal nga kalihukan .
Facebook Comments
