Mga pulis sa Cotabato walay lapses human nalutsan ug bomba-RD Rasco

General Santos City–Wala matud pay nakita nga lapses si Police Chief Supt. Eleseo rasco, Regional Director sa Police Regional Office 12 sa siguridad nga gipatuman sa Cotabato City human nga nalutsan sila ug bomba niadtong milabay nga simana nga miresulta sa kamatayon sa duha ka biktima ug pagkaangol sa 34 ka mga indibidwal.

Sumala pa ni Gen. Rasco nga sa iyang nakita sa CCTV footage sa mall kung asa mibusikad ang bomba anaa matud pa ang presensya sa mga pulis ug nagabantay sa maong lugar apan mihimo lang gyud ug pamaagi ang mga suspect nga masulod ang bomba pinaagi usab sa pagputos niini nga daw sama sa regalo.

Saysay pa ni Gen.Rasco nga padayon pa ang ilang ginahimong imbistigasyon kabahin niini ug ginasuta kung kinsa ang nagpasagad nganong nakalusot ang bomba sa maong mall ingon man ginaimbistiogahan pa kung kinahang bang e-relive sa iyang pwesto isip city director sa Cotabato City PNP si Police Sr. Supt. Rolly Octavio.


Samtang anaa person of interest ang kapulisan sa maong panghitabo ug aduna na usab silay artist sketch sa suspect nga mibutang ug bomba atubangan sa mall sa maong syudad.(Dave Silagan)

Facebook Comments