Mga pumuluyo sa 10 ka mga barangay sa Koronadal City kag Norala ginapaidalom sa disaster preparedness sang DILG.

6

Gin-umpisahan na kahapon nga adlaw sang Department of Interior and Local Government ukon Dilg South Cotabato, Office of the Civil Defense kag Philippine Public Safety College ang pagpaidalom sa training sa mga pumuluyo sang napulo ka mga barangay sa Koronadal City kag banwa sang Norala nga naidentify nga prone sa pagbaha.
Ang mga barangay nga naidentify amo ang Matapol, Simsiman, Liberty, Lapuz kag San Jose sang Norala kag sa Koronadal City naman amo ang Barangay Zone 3, Concepcion, Carpenter Hill, Saravia kag Namnama.
Suno kay Dilg Provincial Director Aurora Andrea de Pedro ang nasambit nga disaster training ang sa idalom sang Listong Pamayanan program sang ahensya.
Sa nasambit nga training suno kay De Pedro nalakip man ang pagpatigayon sang drill agud nga matudluan kag mahibaluan sang mga pumuluyo kon ano ang himuon sa tion nga may pagbaha sa ila lugar.
Magluwas sa banwa sang Norala kag Koronadal City posible may masunod pa depende sa ihatag nga pondo sang national government para sa nasambit nga programa suno kay De Pedro.

Facebook Comments