Mga Purok sa Bacolod nga ginpaidalom sa lockdown wala pa nakabaton sang ikaduha nga tranche sang SAP

28

May pila pa ka mga purok sa ciudad sang Bacolod nga wala nakabaton sang ikaduha nga tranche sang Social Amelioration Program (SAP).Sa kumpirmasyon sa DYHB ni DSSD Head Pacita Tero, pila sa mga purok sa Bacolod nga wala pa nakabaton sang second tranche sang SAP amo ang Purok Seaside sa Brgy. Tangub kag Mahimulaton sa Brgy. Banago.

Ang ini nga mga purok ang ginpaidalom sa lockdown bangud sang mga nagpositibo sa COVID-19, kadungan man sang distribusyon sang second tranche sang Hulyo.Apang gin-athang ni Tero nga indi sila ang may kontrol kun san-o mahatag ang ayuda para sa residente sa nasambit nga mga purok bangud ang Department of Social Welfare and Development (DSWD) Region 6 ang may desisyon diri.


Suno kay Tero, ang DSWD 6 ang nagpanagtag sa Bacolod sang Hulyo kag ginbalik man sang mga ini sa regional office ang wala napanagtag nga kwarta. Apang nakig-angot naman ang DSSD head sa regional office kag nagaayo kun pwede unahon ang Purok Seaside kag Mahimulaton bangud natapos naman ang lockdown sa ila lugar.

Sa masobra 75 mil nga SAP beneficiaries sa second tranche, may masobra 5 mil pa nga wala pa nakabaton sang dugang nga P6,000 tubtob subong.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments