MGA RESIDENTE SA BRGY. LUMAKIL POLOMOLOK, NAMAKWIT!

Polomolok, South Cotabato–Ubay-ubay nga mga residente gikan sa Prk. Maguindanao, Brgy. Lumakil, Polomolok ang nanghikling sa ilahang panimalay gumikan sa kahadlok nga sobling magpahigayon ug operasyon ang kapulisan ug sila maangin.

Sumala kang Brgy. Lumakil Kapitan Efren Cordon nga halos mga babaye ug mga bata ang anaa sa Brgy. Gym gumikan na usab sa trauma nga ilahang naangkon sa nahitabong operasyon niadtong adlaw nga Sabado kung asa upat ang patay.

Pagpaklaro ni Kapitan Cordon nga walay nahitabong operasyon sa kasikbit nga mga barangay ug wala usab nahitabong kagubot aron nga mahimong hinungdan sa ilahang pag-bakwit.


Dugang pamahayag sa opisyal nga gikatakda silang magpahigayon ug re-assessment sa maong lugar ug makig-hinabi kang Mayor Honey Lumayag Matti kabahin sa sitwasyon sa mga residente sa lugar.

Samtang gibutyag ni kapitan Cordon nga kanunay lang maapil ang ilahang barangay sa mga kagubot tungod ginahimo kining agianan sa mga kriminal.

Facebook Comments