Mga residente sa marawi nga kanhi nagpuyo sa ground zero, tugotan na’ng makabisita sa ilang kanhi pinuy-anan

34

Tugutan  na  ang  mga  residente sa  Marawi  City,  kinsa kanhi nagpuyo sa  karon  gikonsiderang  ground  zero,nga  makabisita  sa  ilang  kanhi pinuy-anan.
 
 
 
Apan  temporary  lamang  kini  base sa  na- desisyonan sa  Task Force  Bangon Marawi,  matud  pa ni  Housing Assistant  Secretary  Felix  Castro, Jr.,  ang  field office manager  sa  TFBM.
 
 
 
Miingon  si  Castro nga  ang  maong  mga residente, kinsa  nahiklin tungod  sa  lima kabulan  nga  giyera, tugutan  nga  makabisita sa  ilang  kanhi pinuy-anan sulod  lamang  sa  siyam ka  oras  matag adlaw  sulod  satulo  ka  adlaw.
 
 
 
Niini  nga  higayon,  sila  hatagan og  panahon  nga  ilang makuha ang  ilang mga  gamit,  kun ugaling  aduna  pa’y  nahibilin.  

Ipahigayon  kini  sugod sa  Abril  1, apan  hangtud lamang  sa  Mayo 10, gikan  sa  alas-6:00  sa  buntag hangtud  sa  alas-3:00  sa  hapon.
 
 
 
Pito  ka  tawo ug  duha  ka sakyanan  lamang  matagbalay  o structure  o  building ang  tugutan  nga makasulod  atol  sa maong  pagbisita.
 
 
 
Gibahin  sa  siyam  ka sector  o  areas ang  ground  zeronga   gilangkuban  sa  24  ka  mga  barangay.
 
 
Sugdan  kini  sa sektor  1  karong  Abril 1  hangtud  sa petsa 3,  mag-break  sa  ika-upat  ka  adlaw, og magpadayon  na  usab sa  ikaduhang  sektor  sa Abril  5 hangtud  sa  petsa 7,  hangtud  nga  matapos  ang  siyamka  sektor.
 
 
Adun  lama’y  usa ka  ruta  ang mga  mosulod,  agi  saMapandi  Bridge,  paingon  sa  ilang sektor,  pagawas ngadto  sa  Barangay Papandayan  Caniogan.
 
Gihangyo  ni  Castro ang  maong  mga residente  nga mo-coordinate  sa  ilang  matag barangay  aron  mapalista ang  mga tawo nga  mosulod  lakip  na ang  sakyanan nga  gamiton  sa paghakot sa  ilang  mga  gamit.
 
 
 
Una  na’ng  gipasalig sa  TFBM  nga tugutan  nga makasulod  sa ground  zero ang  mga  residente kung masiguro  sa  military nga  safe  o  luwas  na  ang  mga sibilyan  nga  mosulod didto.

Facebook Comments