Mga sakop sa Maute posibling makasud sa Sugbu

Wa isalikway sa hepe sa Armadong Kusug sa Pilipinas , Heneral Rey Leonardo Guerrero ang posibilidad nga moabot sa Sugbu ang mga miyembro sa Maute group nga nakagawas sa war zone sa Marawi City
Namahayag niini si Guerero human adunay mga nadakpan ang military sa ubang bahin sa Luzon nga positibong mga miyembro sa Maute group.
Hinoon nipadayag ug dakung pagsalig si Guerrero sa kumander sa AFP Central Command nga si Lt. General Oscar Lactao nga mamintinar niinio ang kahusay ug kalinaw sa tibouk Sugbu ug Kabisay-an .
Matud ni Guerrero namatud-an na kini sa military sa pagpakig-alayon sa kapolisan dihang napatay ug hurot ang 11 ka sakop sa Abu Sayyaf Group nga nakasud sa Inabanga lalawigan sa Bohol niadtong Abril karong tuiga.

Facebook Comments