Mga sakyanan natabunan sa nidahili nga yuta sa lungsod sa Lakewood, usa ka driver nadala sa ospital

Lakewood, Zamboanga del Sur – Upat ka Toyota Hi-Ace nga gikan sa Cotabato City, usa ka unit sa Toyota Rush nga sakyanan, usa ka pedicab ug laing usa ka motorsiklo ang natangong ug natabunan sa nidahili nga yuta sa Prk-2, Brgy. Gatub, Lakewood, Zamboanga del Sur alas 5:00 kagahapon sa hapon.
Gumikan sa walay hunong nga pagbundak sa ulan sa nahisgutang dapit kalit nga nidahili ang yuta sa kilid sa kalsada hinungdan nga natabunan ang mga sakyanan nga niagi sa lugar.
Sa report gikan sa Lakewood Municipal Police Station, naila ang mga bikttima sa landslide nga sila si Michael Pusaca, 44-anyos, driver ug residente sa Brgy. Kalangan, Cotabato City ug lain pang tulo ka mga driver samtang usa ka nag-ngalan og alyas Jack ang gidala sa ospital gumikan sa samad sa ulo niini.
Naningkamot pa ang DXPR ug IFM Newsteam nga makutayan ang linya ni PLT Elvin Rosales, ang hepe sa Lakewood PNP alang sa pag-ila sa uban pang bktima sa landslide ug pagsuta sa mga kondisyon niini.
Sa inisyal nga taho ang upat ka unit Toyota Hi-Ace pulos gikan sa Cotabato City, ang usa ka unit sa Toyota Rush nga nagtangag sa plate# JAL 3211 gimaneho ni Sherhan Sabbarani, 34 -anyos, taga-Prk 11, Malagutay, Zamboanga City. CTTO





Facebook Comments