Sa pagsugod sa modified general community quarantine o MGCQ kagahapon, nag-anam anam na usab og bukas ang mga salon o parlor sa dakbayan sa Iligan.
Adunay midawat na og kustomer tungod kay niadtong mi-aging bulan pa giandam ang ilang dapit, aduna usay kamulo pa og panglimpyo ug disinfect sa sulod sa ilang parlor ugĀ sa mga gamit niini.
Usa ka parlor sa may Quezon Avenue ang gidagsang sa mga kostumer dihang nagbukas sila, alas-8:00 kagahapon sa buntag, apan mibalibad pa kini tungod kay, matud pa sa cashier nga si Anna Kundiman, sukad nga nagsarado sila niadtong Marso 16, wala na nila mabisita ang ilang parlor.
Napuno na kini og mga abog ug kinahanglang ma-disinfect.
Apan kung magsugod na sila karong adlawa, gawas sa footbath, pag-gamit og alcohol alang sa disinfection sa mga kamot, pagsuot og facemask sa mga kustomer ug mga staff, katunga lang sa gidaghanon sa ilang mga trabahante ang puli-puli nga mo-duty matag adlaw.
Apan ang laing salon sa ilang tapad gilayong midawat sa nagpaputol og buhok ug nagpa-pedicure tungod kay matud pa sa tag-iya nga si Tess Andos, niadtong miaging bulan pa nila gi-andam ang ilang establisimento.
Wala lang, matud pa, nahuman og dali tungod usab kay limitado ang lihok sa iyang mga trabahante tungod sa naka-schedule nga home quarantine pass.
Miingon si Andos nga dungan nga maka-duty matag adlaw ang iyangĀ napulo ka mga staff sa main branch tungod kay gilahi naman ang iyang hair cut ug nail department aron pagsunod sa ānew normalā ug health guidelines sa Inter-Agency Task Force on COVID-19.
Ang 50% lang usab sa ilang normal nga gidaghanon sa mga kustomer ang dungan nga makasulod aron ma-obserba ang social distancing. (Divina M. Suson, DXIC Iligan City, June 2)
