Mga soldado nga pilason sa engkwentro sa Negros Oriental, luwas na sa katalagman

Luwas na ang duha ka miembro sang 62nd Infantry Battalion nga na base sa Isabela, Negros Occidental nga napilasan sa engkwentro sa tunga sang ginapatihan New People’s Army (NPA) sa binukid sang Guihulngan City sa Negros Oriental kahapon.

Ginpahayag ni 303rd IB commander Colonel Inocencio Pasaporte nga slight injuries lamang ang naangkun sang duha ka suldado nga ginbulong sa isa ka pribado nga hospital sa Bacolod.

Samtang ang NPA member nga napatay sa engkwentro ang napapanaog naman ang bangkay kag gindala sa city proper sang Guihulngan apang wala pa ini nakilal-an.


Madumduman nga na-recover sang militar ang tig-isa ka carbine, shotgun kag .45 caliber pistol gikan sa hanay sang NPA. Una na nga ginpahayag ni Pasaporte nga natabo ang engkwentro sang nag responde ang militar matapos nakabaton sang impormasyon nga may presensya sang mga armado nga rebelde sa Barangay Sandayao syudad sang Guihulngan nga gin-alegar naga pangayo kayo sang pagkaon sa pumuluyo.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments