ILIGAN CITY – Nakurat, nasuko ug nadismaya ang mga supporters nila ni kanhi Mayor Fahad Pre Salic, Mayor Omar Solitario ug Vice Mayor Arafat Salic human kini sila malakip sa gipangnganlan ni Presidente Rodrigo Duterte sa mga personalidad nga adunay kalambigitan sa ginadiling druga.Matud ni Ms. Anisah Marangit atol sa ilang gihimong rally kagahapong adlawa sa marawi city nga buotan ug walay dautang record ang pamilyang salic gikan sa ilang pagdumala sa marawi city busa daku ilang kakurat human nalakip sila sa gipangnganlan ni Presidente Duterte nga nalambigit sa illegal nga druga.Saysay usab ni Haji Amil Marangit nga unta gisusi ug maayo sa mga tawo ni Digong ang listahan sa mga personalidad nga nalambigit sa druga aron masuta kun legitimate ba kini dili kay magpamataka lamang.Panawagan nila ni Digong nga susihon ug tarong ang maong listahan tungod nawad-an na ug reputasyon ang tawo nga iyang nanganlan nga nalambigit sa druga.( DXIC711, JADE UBARCO)
