Mga suspek han pamugot hin ulo ngan pamusil ha Calbayog, arestado na

CALBAYOG CITY, Samar – Nakilal-an na han mga otordidad an mga suspek nga nagpapaluyo han pagpamumusil ha pamilya Francisco ha Calbayog City, Samar dida myerkules.

Kun diin ginpusil na ngan ginpugutan pa hin ulo an biktima nga ginkilala nga hi Teodorico Francisco ngan ginpusil liwat pero maupay nala nakatalwas an tatay hini nga hi Rodrigo Francisco.

Ha interview han RMN kan PSsupt. Leonardo Suan, Deputy Regional Director For Operations han PNP Region 8, mayada na 11 nga suspek nga ginpasakahan na nira hin kaso.


“Lumalabas na halos magkakapamilya lang ang suspek, parang lumalabas na may dati silang alitan, nagkataon lang ang insidente na during election period. Malalim itong imbistigasyon natin.”

“Nai-file na po ng Calbayog City Police ang kaso kahapon at naka-inquest po at nakadetain po ang mga suspek na kung saan invoved doon sa pamumugot ng ulo.”

Nagawas ha imbistigasyon han mga otoridad nga diri election related an nahinabo nga shooting incident.

Dugang han opisyal, nadakop an mga suspek pinaagi han gindumara nga follow-up operation han mga kapulisan.

Personal grudge iton nakikita nga anggulo han mga kapulisan.

Ginkikita na liwat nira kun may kalabutan ba ini nga mga suspek ha iba pa nga pamatay ha syudad ngan ha probinsya han Samar.

Facebook Comments