Gipasaka na kagahapon ang mga kasong murder o pagpatay ug attempted murder ngadto sa mga suspek nga mibanhig sa usa ka team sa Philippine Drug EnforcementAgency o PDEA sa Autonomous Region in Muslim Mindanao, niadtong Oktubre 5, sa Barangay Malna, Kapai, Lanao del Sur.
Kini human sila maila, pinaagi ra usab sa mga opisyal sa mga lokal nga kagamhanan sa Kapai ug sa Tagoloan , sa lalawigan, kinsa mga kabanay ra usab niini.
Matud pa ni Chief Superintendent Graciano Mijares, regional director sa Police Regional Office sa ARMM, nga mismong ang mga mayor sa Kapai ug sa Tagoloan ang mihatag sa ilang affidavit isip mga saksi batok sa mga suspek.
Una na’ng miingon si Mijares nga adunay kalabutan sa operasyon sa ginadiling droga ang motibo sa maong pagpangambush diin lima ka mga ahente sa PDEA ang namatay ug duha ang samaran, lakip naang usa ka non-uniformed personnel sa TagoloanMunicipal Police Station.
Gikan sa Tagoloan MPS ang team dihang girakrakan sa gibana banang walo ka mga armado samtang paul i na ngadto sa Cotabato agi unta sa Marawi City.
Upat ang diha-diha namatay samtang usa ang namatay samtang gitabang sa AmaiPakpak Medical Center sa Marawi City tungod kay nahutda’g dugo tungod sa kalayo sa dapit. (Divina M. Suson)
