Mga T-bag ag rolyo it marijuana na intercept sa sangka mall sa Kalibo

Kalibo, Aklan – Tatlo ka mga T-bag ag daywang rolyo it uga nga dahon it marijuana rong na intercept it mga taga Philippine Drug Enforcement Unit (PDEA) kabii sa sangka mall iya sa banwa it Kalibo sa pagpanguna ni PDEA OIC Regional Director Cristina Cabatingan ag Kalibo PNP.
Nasayuran ro nasambit nga modus matapos nga may sangka concerned citizen ro nag imporma kanda nga may gin-aywan nga sangka kontrabando sa baggage counter it sangka mall.
Sa natabo kabii, nakasueod rong items sa sangka paper bag.
Gintinguhaan nga madakpan it mga taga PDEA rong nag-aywan it nasambit nga kontrabado apang napaslawan matapos nga nabuhayan nga magkooperar rong tagdumaeahan ko nasambit nga mall.
Ro mga na recover hay tatlo ka transparent plastic sachet nga may sueod nga dried leaves it marijuana, 2 ka rolyo it dried marijuana leaves, 2 rectangular case with marijuana hash ag resibo it ginpadaehan it kwarta.
Sa makaron hay uwa pa it pwede makasuhan bangud nga uwa it nadakpan.

Facebook Comments