Davao de Oro – Duha ka mga tag -as nga kalibre sa armas ug mahinungdanong butang ang nasakmit sa kasundaluhan ilalom sa 25th Infantry Fireball Batalleon Philippine Army human sa engkwentro sa mga sakop sa New Peoples Army (NPA) sa Sitio Libertad, Brgy. Malinawon, Mawab, Davao de Oro kagahapong adlawa.
Sumala sa report sa 25th Infantry Fireball Philippine Army, mga sibilyan ang naghatag ug impormasyon sa mga sundalo kalabot sa presensya sa 16 ka mga rebelde sa nahisgutang lugar hinungdan nga daling naglusad og operasyon, ang kasundaluhan nga miresulta sa 25 minutos nga pinusilay hinungdan nasakmit ang duha ka mga high power firearms ug kagamitan.
Daling gilusad ang hot pursuit operation batok sa mga rebelding misibat human sa engkwento.
RadyoMaN Jules Catisay
