Mga taga Barangay Lumbia, nagrally batok Kygojo Water System, Inc.

46
PC: RadyoMaN Jao Gumapac

Nagpikit rally ang mga residente sa Barangay Lumbia ning syudad sa Cagayan de Oro kay ilang gi-protesta ang uminto sa singil sa tubig nga gipatuman sa Kygojo Water System Inc.

Matud ni Lumbia Barangay Chairman Alex Toralba nga nasuko na ang mga tawo sa iyang barangay tungod sa grabe ka taas nga increase sa singil sa tubig nga gipatuman sa Kygojo Water System Inc. ang water provider sa Barangay Lumbia.


Gibutyag ni Toralba nga gikan sa 168 pesos nga minimum per 10 cubic meter,  gusto sa Kygojo nga  i-increase kini ngadto 300 pesos, minimum per 10 cubic meter.

Kini ang rason nga nasuko ang mga tawo sa Lumbia ug nagrally batok sa Kygojo.

Matud ni Toralba nga wala untay problema sa mga tawo sa  Lumbia kon ipataas sa Kygojo ang ilang presyo sa  singil sa tubig basta maayo lang unta ang ilang serbisyo.

“Wala may klaro ang ilang serbisyo, kon naay tubig karon ugma wala ug moabot pag kapin usa ka semana nga walay among tubig” matud ni Toralba.

Gibutyag ni Toralba nga  ilang gihangyo sa barangay council ang Kygojo nga dili lang ipa-abot sa 300 pesos ang minimum nga 10 cubic.

Apan matud ni Toralba nga wala mosugot si Kyogojo Chairman Enginer Niel Bryan Oraiz.

Kini ang rason nga matud ni Toralba nga iyang giputlan sa kuryente ang Opisina sa Kygojo nga nag-connect sa ilang linya sa kuyente sa barangay hall sa Lumbia.

“Dili man sila magpahangyo, mao tong akong giputol ang kuryente sa ilang opisina kay ang kuryente sa ilang opisina, kami man sa barangay nagbayad” matud ni Toralba.

Gipangayo na ni Toralba ni Mayor Oscar Moreno nga iyang sulbaron ang ilang away sa barangay ug Kygojo aron masulbad ang ilang problema sa panubig.

“Gusto namo nga mo-intervene na si Mayor Moreno ani nga  problema” matud ni  Toralba.

Facebook Comments

From Advertisers