BACOLOD CITY – Nabiktima sang peke nga tig-500 ang duha ka mga tiangge sa Roadside II, Brgy. Alijis, syudad sang Bacolod takna las 3 karon nga hapon.
Suno sa una nga complainant nga ginkilala kay Elsie, may babaye nga tagalog nga nagbakal sang delata sa iya tiangge kag nagbayad ini usar sang P500 peso bill.
Ginpahayag naman sang ikaduha nga complainant, nga nag paload sa iya tiangge ang isa ka lalaki nga tagalog man kag nagbayad 500 karon man nga hapon.
Suno sa mga tagreklamo, nga matapos ang pila ka minuto, ila nalang nadiskubrehan nga peke ang kwarta nga ginbayad sa ila.
Dugang pa sang complainant, nga matarong ang itsura sang mga suspetsado kag sila nagapati nga ini ang mag nobyahanay.
Natastas ang 500 nga gin bayad kay Elsie matapos gin sawsaw sa tubig samtang nagisi naman ang ikaduha nga 500.*/dyHB BACOLOD*
