Mga tower sang radio stations, mga poste sang mga kuryente kag telecommunications company sa Naga, Camarines Sur nagkalatumba bangud sa Bagyo Rolly!

37

Roxas City, Capiz – Tuman nga naapektuhan ang Naga, Camarines Sur sa Bicol Region bangud sa pagpanalasa sang Supertyphoon Rolly sang nakaligad nga weekend.

Ginpahayag ni Station Manager Alfredo Ubaña Sr sang RMN DWNX-Naga, wala sa gihapon sang supply sang kuryente sa ila lugar matapos nga nagkalatumba ang poste sang electric cooperative subong man totally down man ang signal sang telecommunications company.


Suno diri, nga mangin ang tower sang RMN DWNX-Naga ang natumba man bangud sa kabaskugon sang pagbayo sang Bagyo Rolly mangin ang mga karsadahon ang indi pa maagyan matapos nga madamo sang mga puno sang kahoy ang nagkataumba.

Sa pagbanta ni Ubaña, magadugay sang duha tubtob sa tatlo ka bulan antes mabalik sa normal ang operasyon sang kuryente sa Naga.

May kaangut sini, hugot naman ang pagpasalamat sang mga ini nga zero casualty ang Naga, Camarines Sur matapos ang paglaslas sang Bagyo Rolly.

Suno kay Ubaña, pila ka adlaw antes ang gina-ekspektar nga paglandfall sang bagyo, napreparahan na nila ini.




Mas maayo lamang suno sa iya nga magamay lamang ang volume sang ulan sang Bagyo Rolly kun ikumparar sa Bagyo Quinta nauna nga nag-agi sa Bicol Region.

Facebook Comments