Mga tulunghaang naguba sa linog sa North Cotabato problema karon sa dep-ed 12

General Santos City–Problema karon sa Department of Education Region 12 ang mga classrooms sa mga tulunghaan nga nangaguba human gitay-og sa sunud-sunod nga linog niadtong bulan sa Oktubre. Kini giangkon ni Dep-ed 12 Regional Director Allan Farnazo.

Sumala niini nga dunay mga dagko nga tulunghaan nga totally damage og kinahanglan nga ma-demolish tungod dili na gyud mahimong gamiton.

Usa sa gitumbok ni Farnazo ang Makilala National High School nga matud pa daghang mga istudyante apan problema tungod sa dakong danyos.


Gibutyag usab ni Director Allan Farnazo nga ila nang nadesisyonan uban ang local nga kagamhanan sa Makilala nga ibalhin sa laing lokasyon ang maong tulunghaan.

Kini matud pa ang ilang nakit-ang pamaagi tungod dili na mahimong gamiton ang maong lugar gumikan piligroso alang sa mga estudyante.

Hangyo ni Farnazo nga unta mapaspasan ang temporary learning spaces kon TLS aron makapadayon na sa pagtungha ang mga estudyante sa labing daling panahon.(Jordan Britos)

Facebook Comments