Micro kag small enterprises sa Bacolod kag Negros Occidental problemado man sa 13th month pay sang ila mga empleyado

Aminado ang Metro Bacolod Chamber of Commerce and Industry (MBBCI) nga madamo sang mga micro and small enterprises sa ciudad kag probinsiya sang Negros Occidental nga problemado man sa paghatag sang 13th month pay sang ila mga empleyado.

Apisar sini, gin-istorya na ni Frank Carbon, chief executive officer sang MBCCI ang ila mga miembro nga tinguhaan gid nga mahatag ang 13th month pay sang ila mga empleyado, bangud makabulig pa ini sa purchasing power sang mga kunsumidor.

Suno kay Carbon, kun may nagatiyog nga kwarta, maka-ganansiya gid ang mga negosyante.Nahibaluan nga sa karun ginatun-an na sang DOLE ang pag-subsidize sang13th month pay sang mga micro and small enterprises nga tuman naapektuhan sang COVID-19 pandemic.


Apang nagapaandam ang DOLE nga indi pwede ipaiway ang paghatag sang nasambit nga benepisyo bangud nasaad ini sa kasuguan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments