Porcausa con el monton del maga inmates na City Jail y con el calor del tiempo ta experiencia, manada ya tambien del maga detenido el ta enferma.
Presentamente mas de 200 del maga detenido el tiene mila-mila mientras serca 200 tambien el tiene pustema.
Asegun con SJO2 RL Comprendio, con el maga tiene este clase de enfermedad dayun sila ta hace saparta con el losdemas detenido y ta dale medicina para queda dayun bueno.
Esperansao ay agrava pa o omenta pa el numero del maga quien ta enferma porcausa ta sigui pa tambien omenta el numero del maga detenido seguiendo con el campanya del govierno contra con el illegal droga.
Problema pa siempre del cuantos detenido amo nohay canila quien ta visita na jail donde tiene diila ni nohay mas chinelas para bisti.
