Davao City – Patay na dihang nahidangat sa balay-tambalanan ang usa ka minero human giluba sa wala mailhing suspetsado alas-12:00 ang takna sa kadlawon sa Sitio Diat, Post 4 Brgy. Napnapan, Pantukan, Compostela Valley.
Biktima giila sa pangalang Rolando Serote, 39 anyos, ulitawo, residente sa nahisgutang lugar.
Sumala sa report nga nahipos gikan sa Pantukan Municipal Police Station, nasayran nga nakatulog ang biktima atubangan sa usa ka tindahan apan kalit giluba sa wala mailhing suspetsado hinungdan nga gidali pagdala sa pinakadoul nga balay-tambalanan apan gideklara nga dead on arrival sa mga mananambal.
Samtang wala mailhing suspek abtik usab misibat padulong sa wala masayring lugar, ug ang patay’ng lawas gihaya karon sa Larosa Funeral Parlor sa lungsod sa Pantukan.
Padayon nga gi-imbestigahan sa kapolisan ang insidente aron mahatagan og hustisya ang maong biktima.
RadyoMaN Juls Catisay
