Minero sa Comval province giluthang patay

Davao City – Gipalawman na karon sa Monkayo Municipal Police Station ang imbestigasyon aron tumbukon ang ugat hinungdan sa pagluthang patay sa usa ka minero miaging adlaw.

Giila sa kapulisan ang biktima nga mao si Arvin Bautista , 24 anyos, ulitawo, minero, ug nagpuyo sa Purok 1, Barangay, lungsod sa Monkayo, Comval Province.

Ang biktima gipusil sa wala mailhing mamumuno samtang nagbaktas sa dalan uban sa iyang higala nga si Alyas Balong nga taga-Panabo City Davao del Norte 10:50 sa gabii.


Kalit lang giduol sa armado ang mga biktima ug gipusil gamit ang .45 caliber pistol ug naigo si Bautista sa iyang nawong samtang samdan sab si alyas Balong.

Daling gidala sa Davao Regional Medical Center si Bautista apan di malas tungod sa dalan pa lang daan kabsan na sa kinabuhi ang biktima.

Padayon pa ginasubay sa mga imbestigador ang motibo sa krimen ug pag-ila sa suspetsado.

RadyoMaN Joel Viray

Facebook Comments