Minor de edad, gikulata sa silingan

General Santos City – Kasamtangan nagpaalim sa naangkon nga bun-og ang usa ka minor de edad nga gi nganlang alias Jun-Jun, 4 anyos lumulupyo sa formost Village, Barangay Apopong, General Santos City human kining gikulata sa ilang silingan.

Nahitabo kining insidente alas 4:00 sa hapon sa may Purok Yusavill, Barangay Sinawal, Gensan.

Matod pa sa inahan sa biktima, gidala sa suspek nga si Albert Manino Calinao ang biktima sa usa ka balay sa maong lugar. Pipila ka oras nawala ang biktima ug ila kining gipangita ug nasayran sa ginikanan niini nga anaa ang biktima sa uas ka balay sa may Purok Yusavill.


Kakurat ang gibati sa ginang dihang nakit-an ang hilabihang bun-og ug black eye sa bata human matud pa nga gikulata sa suspetsado.

Dugang pa sa ginang nga depressed ang suspek, kansa maoy gituohang hinungdan nganong nahimo niini ang krimen.

Sa karon ginapangita pa sa kapulisan ang maong suspek nga si Albert Manino Calinao human nga nakasibat. ( Khrystal Afliccion)

Facebook Comments