Minor gisuwayan og lugos

29

Davao City – Kasamtangang gitambalan sa Southern Philippines Medical Center (SPMC) ang usa ka dalagita kinsa giingong gisuwayan og lugos sa usa ka wala mailhi nga Public Utility Jeepney Driver kagabii.

Giila ang biktima mao si alyas Janice, 15 anyos, ug nagpuyo sa Cabaguio Agdao ning siyudad.

Base sa blotter sa traumatic center sa SPMC, nahitabo ang insidente sa may Sarphil Agdao ning siyudad alas 4:00 sa kadlawon diin sumala pa nagsakay sa PUJ ang biktima gikan sa Cabaguio ug maghatud unta sa Sarphil apan pag-abot sa mao nga lugar kalit na lang siya gi-harassed ug gisulayan og among-among sa wala mailhi nga suspek.

Apan maayo na lamang nga nakadagan ang dalaga ug nakapangayo og tabang sulod sa usa ka gambalay apan dali nakasibat ang suspek mao nga gihatud na lamang ang biktima sa SPMC aron mahiling ang iyang kahimtang.

RadyoMaN Joel Viray

Facebook Comments