General Santos City–Dakpan sa gihimong hot pursuit operation sa kapulisan ang suspek sa pagpatay sa usa ka ginang nga si Sally Embajador, 38 anyos, kansa una ng gidunggab sulod mismo sa iyahang balay sa Deca Homes, Subdivision sa milabayng gabii.
Ang suspek usa ka menor de edad nga itago lang sa pangalang si Alyas Jober, 16 anyos, nga residente sa Purok Cahilsot, Barangay Calumpang. Sumala kang Police Major Richard YbaƱez, Hepe sa Tambler PNP nga mismong ang igsuon sa suspek ang nagsumbong sa nahimutangan sa suspetsado. Dugang pamahayag ni Major YbaƱez nga alas 9:00 sa buntag dihang nadakpan ang suspek apan pakyas nilang marekober ang mga personal nga gamit niini.
Sumala pa nga notadong kawatan sa ilahang Area Of Responsibility ang maong suspetsado. Sa karon padayon ang ginahimong imbestigasyon sa mga posibleng kaubanan niini kung asa gihingusgan matud pa sa suspek nga nag-inusara lang kini dihang gihimo ang krimen. Sa karon, ilaha pang ginapa-abot ang mga dokumento sa nasangpit aron mapamatud-an nga kini us aka menor de edad.(LVR)
