Girekomenda na sa Committee on Health sa Sangguniang Panlalawigan sa Misamis Oriental ngadto ni Governor Yevgeny Bambi Emano nga ideklara na nga state of Calamity ang tibuok probinsya sa Misamis Oriental tungod sa nagka taas nga ihap sa sakit nga dengue.
Matud ni Committee Chairwoman Board member Nancy Madjos nga alang sa iyang Committee, gikinahanglan na nga ideklara sa gobernador nga State of Calamity ang entire province sa Misamis Oriental tungod kay alarming na ang pagsaka sa ihap sa maong sakit.
Matud ni Madjos nga gikan sa Enero ngadto sa August 16, misaka na sa kapin 2,500 ka mga tawo sa Misamis Oriental nga gitakboyan sa dengue ug 15 niini patay.
“Mas alarming na gyud kini nga kaso kay niadtong 2018, kapin pang sa 2000 ang nalista nga nagka sakit nga dengue for the entire year, pero karong 2019, August palang, kapin na sa 2,500 ang nagkasakit” matud ni Madjos.
Sa pikas nga bahin.
Giaprobahan sa Sangguniang Panlalawigan kagahapon sa ilang session ang usa ka resolution nga nag-aghat sa tanang Mayor sa Misamis Oriental, barangay Chairman, barangay health workers, nga himo-on ang Provincial wide clean up matag Friday.
Matud ni Madjos nga kini sa tuyo nga malikayan ang dugang pang pagdaghan sa sakit nga dengue.
Gipasabot ni Madjos nga ang ilang gi-aprobahan nga resolusyon sa Sangguniang Panlalawigan niadtong Lunes basi sa rekomendasyon ni Misamis Oriental Provincial Health Officer Dr. Jerry Calingasan.
