Padayong naghangyo og suporta karon ang Miss Millenial Misamis Oriental nga si Danna Rose Socaoco nga taga Magsaysay, Misamis Oriental.
Si Socaoco nahimong Miss Kuyamis 2017 Second runner up ug karon naningkamot nga modaog sa Search for Miss Millenial 2018 sa Eat Bulaga.
Matud ni Sicaoco nga pwede siyang matabangan pinaagi lamang sa pag-click sa like ug share sa iyang mga presentasyon sa Facebook pinaagi sa FB Page nga Miss Millenial Misamis Oriental.
Pinaagi sa tabang sa publiko dako ang posibilidad nga makab-ot niini ang kadaugan ug dungog sa lalawigan.
Si Socaoco, matag karon ug unya makita sa longest running noontime show nga Eat Bulaga nga mag-promote sa nagkadaiyang laaganan ug hapitanan sa mga turista sa Misamis Oriental.
Lakip usab niini ang pag-promote ni Socaoco sa mga inilang pagkaon sa mga Kagay-anon ug Misamisnon.
Alayon niini, naghangyo usab si Governor Bambi Emano sa publiko nga unta buligan sa hugot nga suporta si Socaoco sa iyang paningkamot nga makatabang og aghat sa pagpasulod sa daghang turista sa Misamis Oriental.
Kini aron mosamot pa og lambo ang industriya sa turismo sa lalawigan nga maoy naghatag higayon sa mga kabus ug timawa sa ilang pangita.
