MISSING | Isa ka seaman nga taga-Mambusao, padayon nga ginapangita matapos nga nahulog sa barko sa Sibuyan Sea!

Roxas City, Capiz- Padayon subong nga ginapangita ang isa ka 20-anyos nga seaman nga taga-Atiplo, Mambusao matapos ini ang gina-alegar nga nahulog sa barko.
Ini ang ginkilala kay John Lajo nga isa sa mga crew sang Ocean Jet 12 sang Ocean Fast Ferries Inc.
Suno sa impormasyon halin sa pakaisa sini nga si Jay R Cristobal Lajo, Agosto 11, 2018 sang aksidente nga ginhampas sang mabaskog nga balod ang pakaisa sini kabangdanan nga gintabog kag nahulog sa dagat sa area sang Sibuyan Sea mga alas 8:30 sang aga.
Nahibaluan nga byahe Batangas-Mindoro ang barko nga ila nasakyan apang ini ang nagpadulong sa Cebu bangud may yara sang igapakay-o sa ila barko.
Panawagan subong kag pangamuyo sang iya pamilya nga masalbar kag kuntani yara sa hilway nga kahimtangan si Lajo.

Facebook Comments