Mister nga nakapatay sa asawa pinaagi sa pagkulata, gidala na balik sa Catarman, Camiguin

Gidala na sa mga polis sa Catarman, Camiguin ang 30 anyos nga bana nga mipatay sa iyang asawa tungod sa selos.

 

Suspek nailang si Ryan Palin, usa ka mag-uuma, kinsa nadakpan sa kapolisan sa Purok 12, Baloy, Barangay Tablon ning syudad human nga misibat sa Camiguin dihang nakulatahan niini ang asawa nga mao si Jean Palin, 29 anyos.

 

Nasayran nga nadakpan si Palin pinaagi sa hot pursuit operation.


 

Giingong tungod sa selos hinungdan nga nahinaykan sa suspek sa pagpatay ang iyang  asawa.

 

Samtang nasayran nga gikulata sa suspek ang iyang asawa niadtong Sabado sa gabie ug sa dihang gidala sa ospital ang biktima kagahapon sa buntag wala na makaagwanta ug namatay kini.

 

Kini ang gikumpirma ni Police Senior Master Sergeant Florindo Soria ang imbestigador sa Catarman Municipal Police Station.

 

Matud ni Master Sergeant Soria nga nahitabo ang insidente sa Sityo Kilaa, Barangay Alga Catarman Camiguin sulod sa panimalay sa duruha.

 

Dugang pa ni Master Sergeant Soria nga sigun sa ilang gihimo nga imbestigasyon magsige na og away ang duruha tungod kay grabe ka selosan ang suspek.

 

Nasayran  nga basi  sa nakuha nga impormasyon gikan sa mga silingan, adunay laing lalaki ang biktima hinungdan sa kasuko sa bana.

Facebook Comments