Misukol sa buy bust operation, patay

Laing mga suspek na usab sa illegal nga druga sa Misamis Oriental ang napusilan patay sa kapolisan human kini misukol atol sa gihimong drug buy bust operation sa Claveria Municipal Police Station.

 

Gibutyag ni Police Chief Insp. Dennis delos Santos ang hepe sa Claveria Municipal Police Station nga target sa ilang operasyon si Samsudin Tamano nga taga Barangay Carmen ning syudad.

 

Apan misukol atol sa operasyon ang kaubang higala ni Tamano nga si Alberto Andales usa ka construction worker nga taga Villanueva, Misamis Oriental gamit ang kalibre .38 nga armas busa napusilan sa mga operatiba.


 

Dugang pa ni Chief Insp. delos Santos nga nahitabo ang operasyon sa Barangay Patrocinio, Claveria, Misamis Oriental kung asa nakuha gikan sa mga suspek ang lima ka sachet sa shabu ug duha ka kalibre .38 nga armas.

 

Nasayran nga gawas-sulod na sa prisohan si Tamano tungod gihapon sa pagpamaligya sa illegal nga druga.

 

Dugay na matud pang gipaubos sa surveilance ang illegal nga kalihokan ni Tamano, ilabina nga nagsilbi kining supplier sa shabu sa Claveria, Misamis Oriental.

 

Facebook Comments