‘Mitigating measures’ vs crisis kritikal

Davao City – Daku pa og pagkulang ang gobyerno kung mitigating measures ang hisgotan diha sa pagpakgang sa epekto sa kalamidad sama sa bagyo.

Kung aduna may pinaka epektibo nga mitigating measures nga puwede adaptahon ug pakusgan sa gobyerno kana mao ang pagtanum og daghang kahoy sa kabukiran.

Gani matud pa ni Kinaiyahan Foundation Convenor Betty Cabasares, daku ang posibilidad nga seryoso ang gobyerno sa pagtuldok sa epekto sa kalamidad.


Apan ang problema lang kay daw hangtud lang sa papel ang miaging kagamhanan diha sa paghan-ay sa mitigating measure sarang makunhod sa epekto sa bagyo.

Kung ang kabukiran napuno og kahoy nagpasabot kini nga himsog ang kinaiyahan ug kaya kaayo pugngan ang pagbaha sa kalungsoran ug kasiyudaran.

Busa kun aduna may dakong kapakyasan ang gobyerno kana walay lain mao ang wala pagtanom og mga kahoy sa kalasangan ug mao kanang hinungdan ngano lisod pugngan ang baha nga mudagayday paingon sa low lying areas.

Segun ni Cabasares nga ang kaanindot karon kay daghan na sa mga tawong nagpakabana ug nakisayod sa angay buhaton panahon sa kalamidad sama sa bagyo.

Busa nabantayan sa miaging mga bagyo nga dyutay na lang ang damyos sahi sa wala pa makakat-on ang gobyerno ug ang katawhan mismo sa nahitabong kalamidad.

Ug tungod ani, gidasig ni Cabasares ang kagamhanan ug ang katawhan nga mag-ayudahanay sa mitigating measures aron mapugngan ug masumpo ang epekto sa kalamidad.

RadyoMaN Joel Viray

Facebook Comments