Miyembro sa CAFGU, gipusil patay

30

General Santos City—Padayon ang gihimong imbistigasyon sa kapulisan nga sakop sa Tupi Municipal Police Station bahin sa pagpamusil sa aktibong miyembro sa Cafgu sa Barangay Palian Tupi, alas 11:00 kaganinang buntag.

Giila ni Police Chief Inspector Bernie Faldas, Hepe sa Tupi PNP ang biktima nga si Cipriano Inocencio, 56-anyos, miyembro sa CAA nga nakabase sa 72nd Infantry Battalion ug residente sa Barangay Tubing Tupi.

Nasayran nga igo rang nipalit ug sigarilyo ang biktima sa usa ka tindahan ug pasakay na unta sa iyang motorsiklo dihang kalit lang miduol ang riding in tandem dayon gipusil ang nahisgutan makadaghang higayon nga hinungdan sa iyang kamatayon. Paspas usab nga misibat ang mga suspek human sa insidenti.

Daghang anggulo ang gitan-aw sa kapulisan nga posibling motibo sa pagpamusil sa biktima, usa na niini ang kalabutan sa trabaho sa nahisgutan isip miyembro sa CAFGU.

Sa karon padayon ang gihimong imbistigasyon kalabutan sa insidenti.

Facebook Comments