Maasim, Sarangani Province–Mitahan sa tropa sa gobyerno ang miyembro sa NPA nga ginganlan lang ug alyas Jack, nga taga Datal Lanao, Barangay Amsipit, Maasim, Sarangani Province niadtong nakalabayng adlaw.
Matud ni Police CaptainHerman Luna, Hepe sa Maasim PNP, mibalik sa sabakan sa gobyerno ang nasangpit human nga nakumbinsi kini sa Militar, Kapulisan ug sa mga opisyal sa ilang lugar.
Si alias Jack ang Team Leader sa Quad 3, Premera Platoon Central, Guerilla Front Musa nga naglihukan sa Sarangani ug sa mga kasikbit nga probinsya. Dugang pagbutyag ni Police Capt. Luna nga Bitbit sa nasangpit ang usa ka granada ug usa ka improvised shotgun.
Sa karon gina-validate pa sa otoridad ang kalambigitan niini sa walhong pundok, samtang higayon nga makumperma ang kalambigitan niini sa maong grupo, iproseso na ang iyang mga dukumento aron siya maka-avail ug E-Clip program kansa programa sa gobyerno alang ngadto sa mga mosurender nga miyembro sa NPA.
