Miyembro sa NPA, patay sa engkwentro tali militar

Patay ang usa ka miyembro sa New Peoples Army kon NPA sa 30 minutos nga engkwentro sa militar nga sakop sa 30th Infantry “Python” Battalion sa 4th ID Philippine Army sa Sitio Puyawon, Barangay Mahanub, Gigaguit, Surigao del Norte mga alas 10 sa buntag.

 

Kini atol sa gihimong military operations batok NPA sa Caraga human sa report sa mga residente sa dapit kung asa nakatago ang mga NPA nga gapanghulga ug gapangilkil kanila.

 

Nakuha ang patayng lawas sa giilang sakop sa NPA lakip na ang usa ka M16 riffle, tulo ka magazine nga loaded sa bala, usa ka anti-personnel mine, usa ka blasting cap, five meters wire, five meters utility rope ug mga personal belongings.


 

Nasayran nga ang maong patayng NPA usa ka sakop sa Indigenous People sa Mamanwa tribe sa Surigao del Norte.

 

Niini, gi-aghat ni Col. Maurito Licudine sa 402nd Brigade Commander nga i-surrender sa NPA ang ilang mga armas ug mobalik na sa sabakan sa gobyerno ug pahimuslan ang Enhanced Comprehensive Local Integration Program o E-CLIP.

 

Samtang, gibutyag usab ni Brigadier General Franco Nemesio Gacal, Commander sa 4th ID nga gikasubo sa ilang hanay ang pagkamatay sa maong NPA tungod sa sayop niining pagtoo ug baruganan ug kinahanglan maharang na ang ilang pagpang recruit ug pagpangilad.

Facebook Comments