Modernong ekipo sa BFP-Davao lauman

15

Davao City – Plano karon sa Bureau of Fire Protection (BPF)-Davao nga mupalit og mga kahimanan nga magamit panahon sa dili matagna nga sunog nga matigayon sa dakbayan sa Davao.

Sa interbyu sa DXDC RMN Davao kang Fire Supt. Alex Pamaybay, Davao City Fire Director, gibutyag niini nga kabahin sa ilang modernization plan mao ang pagpalit og mga ekipo o ginatawag nga air ug water assets alang sa paspas nga pagpakgang sa kalayo panahon sa sunog nga laumang mapalit karong tuiga.


Gisulti ni Pamaybay, nagsugod na usab karon ang pagbansay sa ilang mga personahe nga maoy mo-operate sa maong kahimanan labi na ang ekipo nga gamiton sa dagat, diin sagad sa sunog matala sa dikit-dikit nga balay sa maong mga lugar.

“So, nag-train na atong mga personnel karon para ma-realize ‘tong purchase sa ingon ana (nga ekipo). Posible nga makatabang na ‘ta ana ingkaso nga adunay emergency sa dagat, naa na ‘tay magamit nga mga pump nga pwede nato ipasirit og tubig didto,” segun ni Pamaybay.

Giawhag usab sa BFP-Davao official, ang mga opisyales sa barangay nga magbutang gayud og dalan maagian sa ilang lugar aron dili malisdan ang kabomberohan sa pagresponde sa insidente sa sunog.

RadyoMaN Kirby Manzon



Facebook Comments