Dili pa makasinati ang sumasakay’ng publiko ug Solar nga sakyanan alang sa transportasyon dinhi sa dakbayan sa Butuan human wala magkasinabot ang kompanya ug manufacturer sa maong sakyanan.
Sigun ni Ebads Lawengko nga mahal kaayo ang gipangayo sa manufacturer sa freight handling sa solar nga sakyanan aron i-deliver didto sa Cagayan de Oro ug adesir dalhon dinhi sa dakbayan sa Butuan.
Mismo si DOTr Regional Director Nordy Plaza maoy nagdumili nga idayon ang transaksyon ug ilang paningkamotan nga makakita ug laing manufacturer nga ubos ang magasto sa pagdala dinhi sa dakbayan sa Butuan.
Kahibaloan nga niadtong nakalabyang buwan gipakita sa sektor sa transportasyon dinhi sa Butuan ang mga solar nga sakyanan nga magdagan aron mamasada kung diin kini suportado sa Department of Transportation (DOTr).
[image: evads.jpg]
