Modified liquor ban sa Davao ipatuman, curfew wagtangon

Davao City – Epektibo sugod alas-12:01am karong adlawa (October 26, 2021), ang pagpatuman sa modified liquor ban ingon man pagwagtang sa curfew dinhi sa syudad sa Davao.

Sa anunsyo ni Davao City Mayor Sara Duterte-Carpio (sa interbyu sa city-owned radio), gisulti niining ibalik ang kanhi oras sa pagdili sa pagbaligya og ilimnong makahubog gikan alas-1 sa kaadlawon hangtud alas-8 sa buntag.

“This is the Executive Order No. 57, an order providing for the modified guidelines on liquor ban and the lifting of curfew within the city,” matud sa alkalde.


Subay sa Executive Order (EO) No. 59 Series of 2021 sa City Government of Davao, wala gitugot ang liquor consumption sa bars, restaurants, sari-sari stores, palengke (wet market), videoke ug business establishments.

Bawal usab ang pag-inom sa pampublikong lugar, lakip na sa streets, alleys, pathways ug outside of gates, diin pwede lamang i-serve ug i-consume ang ilimnon sulod sa private properties.

Samtang, hingpit nang tanggalon ang curfew sa dakbayan nga gipatuman gikan alas-9 sa gabii hangtud alas-4 sa buntag.

Epektibo ang maong bag-ong guidelines sugod karong adlawa, October 26, 2021 hangtud alas-11:59pm sa Enero 15, 2022.

Nagpahimangno usab si Duterte-Carpio nga ugaling adunay mahitabong surge kun pagsutoy sa kaso sa Coronavirus Disease 2019 (COVID-19), gilayong magbaton na usab og kausaban sa maong mga regulasyon.

RadyoMaN Kirby Manzon

Facebook Comments