MODOS ALERT | Kapulisan sang Pontevedra, nagpaandam kontra sa mga persona nga nagapakuno-kuno mga ahente sang frozen products!

Pontevedra, Capiz – Nagpaandam subong ang Pontevedra PNP sa publiko ilabi na sa mga may yara sang negosyo nga mag-alerto angut sa modos sang pila ka mga persona nga nagalagaw sa mga kabarangayan sang Pontevedra.
Base sa ginpaguha nga abiso sang Pontevedra MPS, may mga persona nga nagalibot nga mga tawo kag nagapakilala nga sila mga ahente sang frozen products.
Ang ila modos amo ang pag-offer sang ila mga produkto nga inugpang-negosyo nga may upod nga refrigerator kag maayo mag-enganyo sa ila mangin biktima.
Nagapangayo ang mga ini sang down payment, magbilin lang sang gamay nga frozen products kag mangako nga mabalik para magdul-ong pa sang dugang, apang ang matuod, indi na ang mga ini magbalik pa. Sa mga persona nga maka-eksperiensya sang kasubong nga modos, palihog gilayon magtawag ukon magtext sa Pontevedra MPS Hotline: 09985986170/ 09309615721.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments