MODOS | Promodiser nga nangawat sa isa ka dako nga supermarket sa Burgos Street, dakop!

Roxas City, Capiz- Dakop ang isa ka promodiser nga suspek sa pila na ka insidente sang kinawatay sa isa ka dako nga supermarket nga nahamtang sa Burgos Street sining syudad.

Base sa kuha nga CCTV footage, nakit-an nga modos sang suspek nga si Eugene Martinez, 27-anyos sang Dumolog, Roxas City nga hungod ini nga magpabilin sa amo nga establisemento-komersyal agud lamang nga himuon ang iya plano.
Sa tiun sang dis-oras sang gab-e, nagasuksok ini sang sako agud nga indi makit-an ang iya nawong antes nga magsulod sa supermarket kag ginamani-obra ang cash register machine.

Ginakakas sini ang cord sa nalikod nga porsiyon sang cash register machine kag gina-islan sang dala nga gadget.


Natigayon nga makuha sang suspek ang kapin sa P30, 000 pesos halin sa tatlo ka mga cash register machine. Samtang gin-ako man sini sa mga kapulisan nga siya man ang naghimo sang kasubong nga modos sang Agosto 2017 kun sa diin kapin sa P80, 000 pesos ang iya nakuha kag sang Enero 2018 kun sa diin P40, 000 pesos ang iya nataban.

Sa subong yara na nakahunong sa karsel sang Roxas City PNP ang suspek kag natalana nga pasakaan sang nagkatuhay nga mga kaso kasubong sang qualified theft.

***(web photo)***

Facebook Comments